Që nga rënia e Murit të Berlinit, bashkimet dhe ndarjet e territoreve e kanë bërë rrëmujë atlasin e botës pothuajse për çdo vit. Po, cilat janë qytetet që 50 vjet më parë nuk kanë ekzistuar fare dhe vetëm dy ose tre breza më vonë janë shndërruar në qendra të mëdha të populluara dhe hallka të rëndësishme të rritjes ekonomike.
10. Incheon, Korea e Jugut
Ky qytet që gjendet vetëm ca mile nga kufiri me Korenë e Veriut ka një popullsi prej gati 3 milionë banorësh dhe është qyteti i tretë më i madh në Korenë e Jugut. Në vitin 1994, qeveria e këtij vendi vendosi të ndërmerrte një plan të guximshëm dhe ta ndërtonte në brigjet e Incheonit, qytetin më të madh teknologjik në botë. Ndërtimi i këtij qyteti, kostoja e të cilit parashihet të arrijë në rreth 50 miliardë dollarë, parashihet të përfundojë në vitin 2020.
9. Qyteti Ekonomik i Mbreti Abdullah, Arabi Saudite
Vizioni i Mbretit Abdullah është që në të ardhmen të ketë një qytet në Detin e Kuq, rreth një orë larg nga qyteti saudit, Jeddah. Kostoja e ndërtimit të këtij qyteti ultra-modern, me kapacitet prej 2 milionë banorësh, llogaritet të arrijë shumën prej 100 miliardë dollarësh. Punimet e ndërtimit parashihet të përfundojnë në vitin 2020.
8. Iqaluit, Nunavut, Kanadë
Në vitin 1971, Gjiri Frobisher u shpall zyrtarisht vendbanim në Territoret Veriperendimore të Kanadasë. Kërkesa e rreth 2.000 Inuitëve autokton që një territori në bregdetin jugor të Ishullit Baffin, në jug të Rrethit Arktik të jetë i gjithi i tyre u realizua në vitin 1999, kur zyrtarisht u ndanë nga Territoret Veriperendimore duke u bërë kështu territori i Nunavut.
Dy vjet më vonë, Iqaluit zyrtarisht u shpall qytet dhe kryeqytetet i territorit të ri.
Ndonëse në 10 vitet e fundit, popullsia e tij mezi ka arritur të numëroj rreth 7.000 banorë, Iqaluit është një kryeqytet që qeverisë një territor prej 1.207.008 km katrorë, sipërfaqe kjo që është më e madhe se shteti i Alaskës.
7. Sandouping, Kinë
Deri në vitin 1984, zona përreth Sandouping ka qenë e njohur si fshati Huangnupu. Qeveria kineze e krijoi këtë qytet për 40.000 punëtorët e angazhuar në ndërtimin e centralit më të madh në botë për prodhimin e energjisë elektrike, të njohur si Diga e Tre Grykave. 35.000 banorë ende e quajnë Sandouping shtëpi të tyre.
6. Putrajaya, Malajzi
Me një popullsi prej pak më shumë se 1.5 milion banorë, Kuala Lumpur është kryeqyteti federal i Malajzisë. Për shkak të mbipopullimit, në vitin 1995 qeveria e këtij vendi filloi ndërtimin e qytetit të ri, Putrajaya me synimin që ai të shërbejë si qendër federale administrative e vendit.
I ndodhur rreth 15 minuta në jug të Kuala Lumpurit, ky qytet me një sistem ultra-modern të transportit, aktualisht numëron rreth 65.000 banorë.
5. Astana, Kazakistan
Kazakistani e ka shpallur pavarësinë nga ish-Bashkimi Sovjetik në vitin 1991. Katër vjet më vonë qeveria kazake e shpalli kryeqytet, qytetin historik të Tselinogradit, të riemëruar Astana (deri në këtë vit kryeqytet ishte Almaty).
Nga koha kur u shpall kryeqytet, popullsia e Astanas është rritur nga 250.000 në 700.000 banorë.
4. Abuja, Nigeri
Nigeria e ka shpallur pavarësinë nga Mbretëria e Bashkuar në vitin 1960. Në vitet 1970-ta, fraksione të shumta kulturore të këtij vendi ishin pajtuar për ndërtimin e një kryeqytet të ri në qendër të Nigerisë.
Pas dhjetë vitesh pune, më 1991 Abuja u shpall kryeqytet në të cilin pas pak më shumë se 20 vjetësh numri i popullsisë arriti në një milion.
Nigeria aktualisht zë vendin e shtatë në botë për nga numri i popullsisë, ndërsa sipas disa ekspertëve deri në vitin 2050 pritet që ajo të ngritet në vendin e tretë.
3. Doha, Katar
Katari ka shpallur pavarësinë nga Mbretëria e Bashkuar në vitin 1971. Doha u emërua komunë në vete në vitin 1963 dhe që nga ajo kohë është rritur në atë masë saqë aktualisht numëron një milion banorë.
Ky qytet ekonomikisht i fuqishëm falë rezervave të mëdha të naftës dhe gazit natyror, ia ka dalë që t’i bind zyrtarët e FIFA-s që ta shpallin nikoqir të Kampionatit Botëoror të Futbollit në vitin 2022, megjithëse gjendet në shkretëtirë, ku temperatura mesatare nga maji deri në shtator është mbi 37.7 gradë celsius.
2. Navi Mumbai, Indi
Qyteti i Mumbait, formalisht Bombei, ka një popullsi prej mbi 12 milionë banorësh. Duke qenë një ishull në bregdetin Indian, Mumbai ka arritur në kufijtë e tij fizik në vitin 1972, ndërsa fare pranë tij në pjesën kontinentale është ngritur Navi Mumbai, i cili është komuniteti më i madh i planifikuar në botë.
Për 40 vjet, numri i banorëve në këtë qytet, që vazhdon të zgjerohet edhe më tej në pjesën kontinentale, ka arritur në 1.2 milion.
1. Dubai, Emiratet e Bashkuara Arabe
Dubai e ka shpallur pavarësinë nga Britania e Madhe në vitin 1971 dhe ka qenë pjesë e grupit që ka formuar Emiratet e Bashkuara Arabe. Në një periudhë prej 40 vjetësh, popullsia u tij është rritur nga disa mijë në mbi 1.5 milion banorë.
Me qëllim të zgjerimit të tij, në 15 vitet e fundit në këtë qytet janë ndërtuar ishuj artificial me tokën e bonifikuar nga Gjiri Persik.
