Në mëngjesin e 15 marsit 2005, Presidenti i asaj kohe Ibrahim Rugova i kishte mbijetuar një atentati me bombë.
Ngjarja kishte ndodhur përderisa eskorta e Rugovës po bënte rrugën e zakonshme nga rezidenca në Velani drejt ndërtesës së Kuvendit ku gjendet Zyra e Presidentit. Sipas raportimeve te BBC-së, rreth orës 08:20 ishte dëgjuar një shpërthim në rrugën “Ramiz Sadiku”, prapa Teatrit Kombëtar.
Pak minuta më pas, Rugova duhej të takohej në zyrën e tij me ish-Përfaqësuesin e Lartë për Politikë të Jashtme të Bashkimit Evropian, Havier Solana i cili kishte ardhur në Prishtinë për të biseduar me liderët politikë për situatën pas largimit të Haradinajt dhe për gjetjen e një zgjidhje për qeverinë që do ta pasonte atë.
Kryesit e këtij atentati nuk janë gjetur asnjëherë.
