23.08.2016 01:17:26

Radio Televizioni i Kosovës sonte është sulmuar me granatë dore, bazuar në raportet e njësisë së deminimit, që ende po vazhdon hetimet në vendin e ngjarjes.

Shpërthim në RTK (Video)

Një shpërthim i fuqishëm ka ndodhur në objektet e Radio Televizonit të Kosovës rreth orës 22, saktësish tek transmetuesi i valëve.

Policia ka rrethuar objektin e televizionit dhe është duke ekzaminuar provat, për të konstatuar se me çfarë mjeti shpërthyes është sulmuar Radio Televizioni i Kosovës.

Në kohën e shpërthimit ka pasur gazetarë dhe staf tjetër në objektin e RTK-së, që janë tronditur nga shpërthimi i fuqishëm, por fatmirësisht nuk ka pasur viktima në njerëz dhe materiale.

Stafi i RTK-së është duke pritur versionin zyrtarë të Policisë për të dalë me version zyrtarë rreth këtij shpërthim.