A është e rrezikuar Kosova nga sulmet e ‘ujqërve të vetmuar’?

05.01.2017 19:34:07

Ekspertët e sigurisë tërheqin vëmendjen te fakti se Shteti Islamik po ndryshon taktikat e veprimit pas humbjeve në Lindjen e Mesme.

E këtë për Zërin e Amerikës e ka thënë edhe vetë ministri i Punëve të Jashtme, Skënder Hyseni.

Ai ka folur për mundësinë e akteve personale të vetëvrasjeve të ekstremistëve që janë edhe më të zorshme të identifikohen.

“Tash ka dalë ky fenomeni i ‘Ujqërve të Vetmuar’, siç po quhen njerëz të ekstremizuar dhe të radikalizuar skajmërish, por nuk janë të organizuar ose të lidhur me një grup”, ka thënë Hsyeni.

Sipas tij, shteti i Kosovës ka fokusuar punën e tij edhe tek kjo formë e radikalizmit.

“Ne si ministri jemi fokusuar edhe në këtë fenomen që të mos na ndodhë, larg qoftë, ai ose ajo të e hedhë vetën në ajër dhe të vrasë qytetarë të pafajshëm”, ka thënë Hyseni.

Për ministrin e Brendshëm, bashkë me evoluimin e terrorizmit duhet të evoluojë edhe lufta kundër tij dhe se Kosova është duke e bërë këtë.