Nga Rexhep Kastrati
Kur presidenti Rugova pat propozuar simbolet e Kosovës, qe bërë një fushatë e madhe denigruese kundër tej gjoja se po heq dorë nga simbolet komëtare. Madje, Kadare pat shkuar aq larg sa që e pat akuzuar se po ndërton mure ndarëse ndërmjet pjesëve të ndryshme të territoreve shqiptare.
Në Prishtinë, ndërkaq, histeria kundër simboleve të propozuara nga presidenti Rugova ishte aq e madhe, sa që edhe që flamurin dardan e patën djegur fare!
Bashkë me simbolet tjera, presidenti Rugova pat edhe vulën e tij, pra vulën e Presidentit, e cila përmbante ato elemente që përmbante edhe flamuri.
Në fotografinë e mëposhtme, shihet se presidenti Rugova ka pasur më parë vulë tjetër nga ajo që e njohim të gjithë. Në urimin e tij dërguar kryeradaktorit të revistës për fëmijë “Pionieeri”, Zejnullah Halilit, me rastin e 50 vjetorit të saj,,e që mban datën 19 dhejtor 1997, shihet një vulë ndryshe, ku shihet shqiponja e zezë brenda një hapësire të kufizuar me një rreth të zi, dhe ku shkruan “Republika e Kosovës” kurse poshtë shkruan “Kryetari”, e nën të në gjuhën angleze shkruan: “Republic of Kosova – President”.
Kjo vulë është edhe një argument kundër atyre dashakëqinjve dhe atyre që u dëshmuan se janë për interesa të të tjerëve, e jo për interesa të shqiptarëve, se presidenti Rugova asnjëherë nuk ka menduar të ndërtojë mure ndarëse, as të heqë dorë nga simbolet kombëtare.
