Kryetari i Mitrovicës së Jugut, Agim Bahtiri, ka mbajtur sot një tryezë të përbashkët me partitë politike.
Ashtu siç ka njoftuar Bahtiri, në këtë tryezë kanë marrë pjesë përfaqësuesit e LDK-së, AAK-së, Vetëvendosjes dhe AKR-së, ndërkaq që PDK-ja e ka bojkotuar.
E Bahtiri me pjesëmarrësit kanë nxjerrur disa konkluzione ku përfshihet edhe pika që në Bruksel nuk mund të bisedohet për ndryshim apo korrigjim kufijsh.
Pikë tjetër e këtyre konkluzioneve të nxjerra është edhe krijimi i Asociacionit sipas kushtetutës së Kosovës.
Kujtojmë se para disa ditëve Bahtiri kishte thënë për lajmi.net se është i bindur që të gjithë përfaqësuesit e partive parlamentare do të marrin pjesë.
Megjithatë një gjë e tillë nuk ndodhi, dhe në tryezën e Bahtirit morën pjesë vetëm katër parti.
