Ministrja për Dialog, Edita Tahiri, në seancën e Kuvendit e akuzoi një deputet të Lëvizjes Vetëvendosje i cili i ka dërguar letër ITU’së që Kosovës të mos ia japi kodin telefonik. E ajo që i ka dërguar letër ITU’së po del të jetë deputetja e VV’së, Aida Dërguti.
Vet Dërguti, në seancën e Kuvendit ka pranuar se i ka dërguar letër këtij institucioni ndërkombëtarë.
“Ne jemi mësuar që ju të dezinformoni. Ajo që më citoni lidhur me letrën e dërguar në ITU, nuk qëndron. Nuk qëndron ajo se çfarë that lidhur me marrëveshjen e ITU-së”, ka thënë Dërguti.
Ndërkohë që Tahiri e ka akuzuar atë se e ka keqëpërdorur pozitën e nënkryetares së Kuvendit në momentin që e ka dërguar kërkesën në ITU.
“Unë nuk përmenda asnjë emër por ju vet u zbuluat. Zonja Dërguti në internet e gjeni, unë e kam, gjithkush mund ta gjejë në internet. Aida e ke keqëpërdor Kuvendin se ke nënshkruar si nënskrtyetare e Kuvendit. Keni shkelur rregulloren zonja Dërguti”, ka thënë Tahiri.
