Ajaxi “masakron” Juven, Messi çon Barçën në gjysmëfinale (Video)

17.04.2019 14:59:05

Nuk mjafton as Cristiano Ronaldo, që Juventusi t’ia dalë të fitojë në Europë, pasi bardhezinjtë i dhanë lamtumirën Ligës së Kampionëve, pas një humbjeje të hidhur përballë talenteve të Ajaxit.

Holandezët erdhën dhe dominuan në “Allianz Stadium”, në një stadium tërësisht bardhezi, madje nuk u dorëzuan as kur e panë veten në disavantazh, pas golit të shënuar nga Ronaldo në minutën e 28’.

Reagimi i tyre ishte në kufijtë e perfektes, pasi arritën fillimisht të barazojnë me anë të van de Beek dhe të shënojnë në pjesën e dytë golin e fitores me anë të mbrojtësit De Ligt, duke marrë një kualifikim tërësisht të merituar.