Tri vetura janë përfshirë në një aksident zingjiror sonte në orët e mbrëmjes.
Së paku gjashtë persona kanë pësuar lëndime dhe të njëjtit janë dërguar për trajtim mjekësor në QKUK.
Ngjarja ka ndodhur në rrugën “Bajram Gashi” të Lipjanit, ku tri vetura njëra e tipit Golf2, BMW dhe një mercedes janë përplasur njëra me tjetrën me çrast kanë shkaktuar këtë aksident.
Dëshmitarët i kanë thënë KosovaPress-it se në mesin e të lënduarve janë ngasësit e veturës dhe pasagjerët, dhe njëra nga veturat mbante targa të Gjermanisë.
Policia e Kosovës ka dalë në vendin e ngjarjes për të hetuar rastin.
