Ish-ministrat e Kulturës, Astrit Haraqija dhe Valton Beqiri janë shpallur fajtorë për keqpërdorim të detyrës zyrtare.
Fajtorë në seancën e mbajtur sot (e enjte) në Prishtinë nga Gjykata e Apelit, janë shpallur edhe aktori Armond Morina, dhe producenti Nehat Fejza.
Astrit Haraqija dhe Valton Beqiri janë dënuar me kusht për një vit, gjersa producenti Fejza dhe aktori Morina detyrohen të paguajnë dëmshpërblimin me të holla.
Shuma e caktuar që aktori Armond Morina detyrohet t’i paguaj Ministrisë së Kulturës është 100 mijë euro, gjersa prodeucenti Nehat Fejza do ta paguajë dëmshpërblimin me 188 mijë euro.
Më e dëmtuar nga gjithë kjo situatë ka dalë Ministria e Kulturës, nga e cila ishin marrë këto fonde për realizimin e projekteve të ndryshme filmike, por që në fakt përfunduan në keqpërdorimin e personave të lartpërmendur.
