Ambasada e SHBA në kryeqytetin e Irakut, u sulmua sot me raketa
Të paktën tre raketa shënjestruan ndërtesën në Zonën e Gjelbër me siguri të lartë në Bagdad.
Njëri prej tyre ra brenda perimetrit të Zonës së Gjelbër, por të tjerat ranë në lagjet e banuara përreth.
Sipas “Daily Mail”, një deklaratë nga ushtria tha se nuk kishte viktima dhe se kishin nisur hetimet.
Ambasada Amerikane ka qenë një shënjestër e shpeshtë e sulmeve me raketa gjatë administratës Trump. Ritmi i sulmeve u dobësua në disa javë para se Biden të merrte detyrën, por duket se ka nisur sërish.