Ambasadori i Britanisë së Madhe në Kosovë, Ruairi O’Connell përmes një postimi në Facebook ka thënë se qytetarët e Kosovës me punë vullnetare mund të bëjnë ndryshime në shoqëri.
Ai këto komente i bëri në kuadër të lansimit të projektit nga Qeveria Britanike që për qëllim të promovoj vullnetarizmin dhe aktivizimin qytetar në Kosovë
“A dëshironi ndryshime? Ju mund t’i bëni vetë ato.
Me punën vullnetare ju mund të bëni ndryshime në shoqëri. Ju mund të ndryshoni të ardhmen tuaj. Të kontribuoni në interes të shoqërisë dhe komunitetit. Të mësoni shkathtësi dhe përgjegjësi të reja. Të jeni një shembull, një lider në shoqëri.
Sot, unë pres me padurim që në emër të Qeverisë Britanike të lansoj projektin që ka për qëllim të promovoj vullnetarizmin dhe aktivizimin qytetar në Kosovë. Jeni ju ata që me punën tuaj vullnetare dhe me kohën tuaj mund ta ndryshoni Kosovën”.
