Kreu i Qeverisë së Malit të Zi, Dushko Markoviq, ka pritur sot në zyrën e tij, ambasadorin e Republikës së Kosovës ën Podgoricë, Ylber Hysajn.
Kryeministri malazias ka thënë se shteti i tij mbështet Kosovën në rrugën drejt integrimit ne Bashkim Evropian dhe në perspektivën euro-Atlantike.
“Kryeministri ka nënvizuar se është e rëndësishme që Kosova të ketë një perspektivë të qartë Evropiane dhe Euro-Atlantike, dhe se Mali i Zi do ta mbështes në këtë drejtim”, thuhet në komunikatën për media të qeveris së Malit të Zi.
Përveç ambasadorit të Kosovës, Markoviq është takuar edhe me ambasadorin e Bosnje e Hercegovinës, Branimi Jukiq.
Markoviq të njëjtën mbështetje ka dhënë edhe për Bosnje e Hercegovinën.
Ndërkohë kanë biseduar edhe për rëndësinë e përmirësimit të infrastrukturës mes dy shteteve gjë që sipas tij do të ndikonte për lidhje mes shteteve dhe zhvillim më të shpejt të ekonomisë.
Hysa ka takuar edhe ministrin e Transportit, Osman Nurkoviq me të cilin kanë bashkëbiseduar për marrëdhëniet e mira midis dy vendeve.
Ambasadori Hysa ka theksuar se marrëdhëniet midis dy vendeve mund të jenë shembull i bashkëpunimit të fqinjësisë së mirë për rajonin.
Mali i Zi dhe Kosova po investojnë shumë në ndërtimin e infrastrukturës rrugore, por edhe me modernizimin e infrastrukturës ekzisteuse.
Hysa është takuar edhe me ministrin e Punëve të Jashtme Srdjan Darmanoviq me të cilin kanë diskutuar për marrëdhëniet politike midis Kosovës dhe Malit të Zi.