Analistët: Gruevski nuk do të arrijë ta formojë Qeverinë

10.01.2017 19:25:10
Njohësit e çështjeve politike vlerësojnë se kryetari i VMRO-DPMNE-së, Nikolla Gruevski, nuk do të mund të formojë qeveri. Analisti Gjuner Ismail pret që Gruevski të taktizojë deri në momentin e fundit por në fund do të dështojë ta formojë qeverinë.
Kuptohet se Gruevski nuk do të formojë qeveri, madje edhe nëse nuk shantazhohet, madje edhe nëse e përqafojnë dhe e puthin, ai nuk mund të formojë qeveri. Këtë e thotë matematika. Ai do të simulojë se po bën qeveri dhe në ditën e 20 mund të presim kurdisje e me të cilat do të blejë kohë. Mekanizmat e tij janë të njohura, është kryetari i kuvendit, me presidentin e famshëm të shtetit” tha për Alsat-M Gjuner Ismail, analist politik.

Në intervistën e fundit, Nikolla Gruevski theksoi se nuk do të formojë qeveri me çdo kusht dhe nëse BDI heq dorë nga parimi i fituesit me fituesin, atëherë VMRO DPMNE do të kthehej nga dera e madhe duke aluduar në fitoren që partia e tij do të korrte në zgjedhje të reja. Në rast të tillë, sipas tij, partia askujt nuk do t’i ketë borxh asgjë. Por vet OBRM-PDUKM-ja në vitin 1992 nuk e pranoi mandatin për formimin e qeverisë pasi nuk deshi koalicionin me PPD-në, mandati atëherë iu dha Petar Goshevit por as ai nuk arriti të sigurojë shumicë dhe e ktheu mandatin.