“Këto procese duhet të zhvillohen në një partneritet të ngushtë me ndërkombëtarët. Nëse ne duam të bëjmë ushtrinë duhet të vazhdojmë bashkëpunimin dhe të kemi partneritet me NATO-n dhe me SHBA-të”, ka thënë Çuni në emisionin Imazhi i Ditës në RTK, transmeton lajmi.net.
Sipas tij, transformimi i FKS-së në ushtri është i mundshëm në bazë të projektligjit të propozuar nga presidenti Hashim Thaçi.
“Teknikisht është e mundur, por nëse e marrim në një kontekst tjetër atëherë duhet të kemi parasysh gatishmërinë e Amerikës, duhet të punojmë më të gjithë që këto forca të mos jenë të kontestueshme”, është shprehur deputeti i LDK-së në një prononcim direkt për RTK-në.
Ai ka thënë se LDK-ja pajtohet që Ushtria të bëhet me ndryshime Kushtetuese, e jo në formatin e propozuar nga presidenti Thaçi.
Çuni ka theksuar se LDK është duke e përcjellë situatën për t’i ruajtur interesat duke shtuar se duhet qëndruar përball marrëveshjeve që janë arritur deri më tani.