Në Hajvali policia ka arrestuar tre persona.
Policia Rajonale e Prishtinës njofton se dje rreth orës 03:00 janë arrestuar tre persona të dyshuar për vjedhje të rëndë në një lokal në Hajvali.
Njoftimi i policisë:
Reagimi dhe grumbullimi i shpejtë, i informacioneve në rrugë operative, ka mundësuar që menjëherë pas raportimit të rastit, të arrestohen personat e dyshuar.
o A. P, mashkull , 16 vjeç, shtetas i Republikës së Kosovës ,
o M.K. , mashkull , 29 vjeç, shtetas i Republikës së Kosovës dhe
o L. K, mashkull , 19 vjeç, shtetas i Republikës së Kosovës,
të cilët dyshohet, që në bashkëveprim me forcë të kenë depërtuar në brendinë e një lokali dhe nga aty kanë arritur të vjedhin një shumë të parave.
Hetuesit policor po kryejnë të gjitha veprimet e nevojshme hetimore e procedurale lidhur me rastin në fjalë, ndërkohë që personat e dyshuar pas intervistimit me urdhër të prokurorit janë dërguar në mbajtje.
