Janë zbardhur detaje të reja në lidhje me atentatin në qytetin e Vlorës i ndodhur rreth orës 18:00 tek “Ish-Parku i Tregtisë”.
Sipas informacioneve paraprake dyshohet se autori pasi ka kryer krimin është larguar me një automjet.
Policia thotë se po punohet për identifikimin e tij.
“Grupi hetimor ndodhet në vendngjarje dhe po kryhen veprimet hetimore në lidhje me dokumentimin e plotë të kësaj ngjarjeje”, – thotë policia e Vlorës.
Ndërkohë janë ngritur pika kontrolli në rrugët dalëse dhe hyrëse të qytetit të Vlorës me qëllim kapjen e autorit.