Mesazhe të shumta ngushëllimi janë shprehur pas ngjarjes së rëndë që ndodhi në Aselaide të Australisë, ku Petrit Lekaj, një shqiptar, akuzohet se ka vrarë vajzën e tij, Sabrina Lekaj.
Mediat e huaja raportojnë se ajo ishte studente shumë ambicioze, me shumë qëllime në jetë, e mrekullueshme dhe e gatshme të ndihmonte këdo. Ajo sipas shoqeve ishte edhe një pianiste e talentuar.
Sabrina Lekaj u gjet pranë babait të saj të plagosur rëndë në një rrugë Adelaide rreth orës 11:00 të dielën. Policia e Australisë Jugore lëshoi një deklaratë të martën në mbrëmje duke thënë se babai i saj, 49-vjeçari Petrit Lekaj, akuzohet për vrasjen e vajzës së tij.
Babai po trajtohet në Spitalin Mbretëror Adelaide, ku ai mbetet nën ruajtjen e policisë, për shkak të plagëve që ka në pjesën e barkut.
Policia ka thënë se ata presin të akuzojnë Petrit Lekajn për vdekjen e vajzës së tij.
Një seancë dëgjimore zyrtare është caktuar për të premten. Një nga shoqet e vajzes, Jana Fandi, tha për ABC Neës se vdekja ishte një tragjedi dhe i kishte tronditur shokët e saj dhe ish shokët e shkollave të Kolegjit Nazareth.
“Gjatë gjithë shkollës së mesme, ishim shumë afër dhe bëmë shumë gjëra së bashku” – tha ajo. “Ne të dyja kemi dashur muzikën dhe ajo ishte një pianiste e pabesueshme dhe ne bëmë konkurse së bashku me nxënës të tjerë të shkollës. Sabrina ishte një person fantastik – ajo ishte e ëmbël dhe shumë gazmore. Pa marrë parasysh se sa e trishtueshme ishte ajo, gjithnjë siguroi që të tjerët rreth saj të ishin në rregull.
Ajo ishte gjithmonë aty për këdo që ishte rreth saj. Ajo gjithmonë i vuri të tjerët para saj”, tregon ajo. Më tej tregon se vajza ishte studente per mjekësi. “Ajo e donte shkencën, kështu që po bënte imazhe mjekësore. Ajo donte të ndihmonte njerëzit, kështu që zgjedhja e saj natyrisht rrjedh prej kësaj,” tha Fandi. “Është e trishtueshme që ajo nuk është me ne më. Kjo është një tragjedi”, tha ajo.