Sekretari i përgjithshëm i OKB-së Ban Ki Moon ka deklaruar sot se ata që shfrytëzojnë “të gjitha armët destruktive” në Siri kryejnë krime lufte dhe ka paralajmëruar se situata në qytetin Alepo “është më keq se sa në thertore”.
Ban ka dënuar sulmet në dy spitalet më të mëdha në Alepo duke i quajtur krime lufte, transmeton AFP.
“Të jemi të qartë. Ata që shfrytëzojnë të gjitha armët destruktive saktë e dinë çka bëjnë. E dinë se bëjnë krime lufte”, ka thënë Ban në Këshillin e Sigurimit.
“Paramendojeni shkatërrimin. Njerëzit me duar dhe këmbë të këputura. Fëmijët me vuajtje të tmerrshme të cilëve askush nuk u ofron ndihmë. Paramendojeni thertoren. Kjo është e tepërt”, ka thënë sekretari i përgjithshëm i OKB-së.
