Banorët e lagjes Bregu i Diellit në Prishtinë janë të rrezikuar për shkak të një cope akulli në një ndërtesë.
Zyrtari i LDK-së, Sokol Havolli, ka publikuar një fotografi në rrjetin social Instagram, ku ka treguar se sa janë të rrezikuar banorët e një ndërtese në lagjen Bregu i Diellit në Prishtinë, shkruan lajmi.net.
Sipas Havollit në ujëmbledhësin e një ndërtese në këtë lagje, një copë akulli prej dy metra është kthyer në rrezik për banorët.
Ai ka thënë se e ka lajmëruar edhe shërbimet emergjente të kryeqytetit për këtë.
“2 metra copa e akullit. E vjerrt në një copë të dobët të ujëmbledhësit. Kujdes! Këto ditë në afërsi të ndërtesave. Sapo i lajmërova shërbimet emergjente për këtë në Breg të Diellit”, ka shkruar Havolli në mbishkrimin e kësaj fotografie.