Banorët e fshatit Shtrubullovë të Drenasit, kanë paralajmëruar mbajtjen e një proteste në ditën e premte, për të kundërshtuar vendimin e Kuvendit Komunal lidhur më emërtimin e rrugës së fshatit të tyre.
Sipas një njoftimi të këtyre banorëve protesta do të mbahet nga ora 12:30 deri në orën 13:00, ku edhe kanë paralajmëruar bllokimin e rreth rrotullimit në hyrje të qytetit që lidh rrugën për në fshatin Shtrubullovë.
Banorët e këtij fshati kanë kërkuar nga udhëheqësit e komunës dhe asamblistëve që në përputhje me ligjet dhe rregulloret ne fuqi të rishikojnë edhe njëherë vendimin e datës 27 shkurt 2017,dhe te ofrojnë një zgjidhje te drejt,ne të kundërtën ata paralajmërojnë se protestat nuk do te ndalen deri ne zgjidhjen e këtij problemi.
Banorët po kërkojnë që rruga e fshatit të tyre të ketë emrin e “Agron Mehmetit”, dëshmorë i këtij fshati. Ndërsa që kjo rrugë është emëruar me emrin e një dëshmori tjetër ‘Sokol Elshani’, dëshmor i fshatit Krajkovë të Drenasit.
