Bashkimi Evropian ka dënuar fuqishëm vrasjen e Oliver Ivanoviqit dhe u ka bërë thirrje të gjitha palëve që të tregohen të përmbajtura, në mënyrë që ligji dhe drejtësia në Kosovë të kryejnë punën e tyre.
Oliver Ivanoviq u vra sot në Mitrovicën e Veriut.
BE i ka dërguar ngushëllime familjes Ivanoviq, citon KP. “Për shkak të vrasjes së Ivanoviq, bisedimet në kuadër të dialogut në nivel teknik janë suspenduar”, tha zëdhënësja e KE-së, Maja Kociançiq. Kryetari i komunës së Mitrovicës së Veriut, Goran Rakiq ka caktuar për sot në mesditë një takim me përfaqësuesit e KFOR-it, EULEX-it dhe Policisë së Kosovës.
Temë e takimit do të jetë situata e sigurisë në Mitrovicën e Veriut pas vrasjes së liderit të iniciativës qytetare “Liria, demokracia, drejtësia”, Oliver Ivanoviq.