Koronavirusi ka shkaktuar mjaft panik në të gjithë botën.
BBC ka publikuar një artikull për “misterin që qëndron pas niveleve të ulëta të vdekjes së Indisë” nga infeksioni Covid-19.
Disa flasin për “përjashtim indian, pasi niveli i vdekjeve në qytetet kryesore indiane është më i ulët në krahasim me pikat më të nxehta globale të koronavirusit”.
Gati dy muaj pas rastit të parë të regjistruar, infeksionet Covid-19 në vendin e dytë më të populluar në botë kanë kaluar 27,000, me më shumë se 800 vdekje. Një mënyrë për të kuptuar shkallën e vdekjeve është gjurmimi i sa ditëve duhen për numrin e viktimave që të dyfishohet.
Në Indi, kjo shifër është aktualisht nëntë ditë – ka pasur 825 vdekje të konfirmuara në 25 Prill; krahasuar me rreth gjysmën ose më shumë të këtij numri në 16 Prill. Ekspertët thonë se ky është një lajm i mirë. Koha e dyfishimit të vdekjeve në New York në të njëjtën fazë të pandemisë ishte vetëm dy ose tre ditë, thonë ata.
Shumë profesionistë dhe mjekë të shëndetit publik thonë se bllokimi i ashpër i Indisë, i cili zgjati më shumë se një muaj, mund të ketë qenë arsyeja që ka mbajtur nën kontroll infeksionin dhe vdekjet. Revista mjekësore Lancet thotë se “bllokimi tashmë ka efektin e dëshiruar të rrafshimit të kurbës së epidemisë”.
Të tjerë besojnë se popullsia kryesisht e re e Indisë po ndihmon në shifrat e ulëta të viktimave, të moshuarit kanë një rrezik më të lartë të vdekjes nga infeksioni.
Megjithatë të tjerët flasin për mundësinë e pranisë së një lloji më pak të fortë të virusit në Indi, së bashku me faktin që moti i saj i nxehtë ka ndikuar në përhapjen e tij. Të dyja këto pretendime nuk mbështeten nga asnjë provë.(BBC)