Vendet të cilat kanë vendosur kontrollin kufitar në Zonën Shëngen për shkak të krizës së migrantëve – Gjermania, Austria, Danimarka dhe Norvegjia – pritet të largojnë këto kontrolle deri në nëntor, njoftoi të martën Komisioni Evropian, disa orë pasi që Suedia njoftoi se do të heqë kontrollin e dokumenteve personale në kufijtë e saj.
Austria, Danimarka, Gjermania, Suedia dhe Norvegjia, e cila nuk është anëtare e BE-së, vendosën kontrolle të dokumenteve personale në vitin 2015, në zonën e cila kalohet përndryshe pa pasaportë, përkujton AFP.
