BE shqetësohet me kthimin e akteve të dhunës në Kosovë

11.08.2016 10:46:33

Zyra e Bashkimit Evropian në Kosovë ka shprehur shqetësimin e saj pas kthimit të disa akteve të dhunës në Kosovë, siç ishin sulmet ndaj ndërtesave të institucioneve më të larta shtetërore në Prishtinë.

“Zyra e BE-së dhe Përfaqësuesit të Posaçëm është e shqetësuar që sheh kthimin e veprimeve të dhunshme gjatë ditëve të fundit në Prishtinë. Dhuna nuk ka vend në një shoqëri demokratike dhe si e tillë nuk është e pranueshme për Bashimin Evropian”, thuhet në deklaratën e lëshuar për media.