Bashkimi Evropian do të vazhdojë të jetë palë ndërmjetësuese e dialogut mes Kosovës dhe Serbisë në Bruksel, për aq kohë sa edhe do të zgjas ky dialog.
Ministrja për Dialog, Edita Tahiri, ka thënë, se roli i Bashkimit Evropian, si ndërmjetësuese e dialogut mes të dyja shteteve ka dal si obligim nga Rezoluta e OKB-së, e vitit 2010.
“Mendoj se ata do ta vazhdojnë këtë rol sepse Bashkimi Evropian është i interesuar që të përfshijë vendet e Ballkanit perëndimor në familjen e saj, përkundër sfidave të kohës, dhe dialogu ndërfqinjësor dhe zbatimi i marrëveshjeve janë vënë si kushte për të dyja shtetet”, ka thënë Tahiri.
Kështu mendon edhe profesori i si drejtës ndërkombëtare Afrim Hoti, pasi të dyja shtetet kanë ambicie që të jenë pjesë e Bashkimit Evropian.
