Kryeministrja e Serbisë, Ana Bërnabiq, është takuar në selinë e OKB-së me Sekretarin e Përgjithshëm të kësaj organizate Antonio Guterres.
Gjatë kësaj bisede, Guterres, raporton agjencia e lajmeve serbe Tanjug, tha se për OKB-në Kosova nuk është shtet, transmeton lajmi.net.
Mirëpo ai thotë se organizata botërore do të mbështesë marrëveshjen e mundshme midis Beogradit dhe Prishtinës.
Bërnabiq i ka thënë se Serbia aktivisht merr pjesë në misionet paqeruajtëse të OKB dhe se është në interes të përgjithshëm që UNMIK-u të mbetet në Kosovë.
Guterres i ka konfirmuar kryeministres serbe se UNMIK-u do të mbetet në Kosovë.