BIK: Shpend Ahmeti dhe Liburn Aliu po zvarrisin lejen për xhaminë kryesore (Video)

21.07.2017 23:12:27
Ahmet Sadriu nga Bashkësia Islame e Kosovës kritikoi me tone të forta kryetarin e Prishtinës, Shpend Ahmeti dhe drejtorin e Urbanizmit, Liburn Aliu, se po e zvarrisin pa asnjë arsye vendimin për dhënien e lejes për ndërtimin e xhamisë kryesore në Prishtinë.

Sadriu këto komente i bëri në emisionin politik “Debat” te Ridvan Berishës, me temën “Çfarë xhamie duam”.

Lirak Çelaj, që përfaqëson PDK-në në Komunën e Prishtinës, gjithashtu fajësoi drejtuesit e komunës për politizimin e qëllimshëm të kësaj çështjeje, duke i ftuar ata që ta zhbllokojnë situatën pa humbur kohe.

Ndërsa, arkitekti Arbër Sadiku ishte kritik për modelin e përzgjedhur të xhamisë duke nënvizuar se ajo nuk e përfaqëson arkitekturën bashkëkohore por atë të perandorisë osmane, gjë që sipas tij paraqet një gabim të llojit të vet.