Anëtari i Kryesisë së PDK-së, Lirak Çelaj tha se nuk ka skandal më të madh se ajo çka ka bërë opozita e deritanishme, me përdorimin e gazit lotsjellës.
Këto vlerësime, Çelaj i bëri në emisionin “Kontakt”, në një përballje me Xhelal Sfeçlën, nga Lëvizja Vetëvendosje.
Çelaj shtoi se imazhi i Kosovës ka rënë dukshëm me të gjitha ato skena të gazit lotsjellës që janë parë në Kuvendin e Kosovës.
Ndërsa, Xhelal Sfeçla nga Lëvizja Vetëvendosje, u shpreh se imazhi I vendit është humbur nga partitë në pushtet me skandalet dhe aferat e tyre. Ai shtoi se kundërshtimi i Demarkacionit është bërë me metodë demokratike, dhe tha se ndihen krenarë që kjo vijë kufitare nuk ka arritur që të kalojë.
