Padyshim që është një ndeshje që ka për të mbetur gjatë në memorien e tifozëve të futboll. Një ndeshje që do të përflitet për ditë të tëra në vazhdim për shkak të episodeve të shumtë që kishte në vetëm 5 minutat e fundit të sfidës mes Real Madrid dhe Juventus.
Kur dukej sikur ndeshja do të shkonte në kohën shtesë pasi Juve kishte përmbysur disavantazhin e ndeshjes së parë, Benatia shtyn në Vazquez brenda zonës dhe arbitri akordon një penallti.
Lojtarët e Juventus çmenden me vendimin duke protestuar në mënyrë agresive drejt Michael Oliver i cili pak më pas nxjerr me karton të kuq Buffon.
Kaos, Allegri që konfrontohet me Ramos, media italiane dhe spanjolle konfrontohet në tribunë dhe Chiellini me gjestin e ndeshjes.
Ai duket qartë që i thotë Marcelo-s “you pay” duke i bërë gjestin e parave. Sa ironike.
