Një çift shqiptar sot humbi jetën derisa vajza e tyre mbeti e lënduar si pasojë e një aksidenti automobilistik në Greqi.
Siç raportojnë mediat, viktimat janë 35 dhe 25 vjeç, ndërsa nuk janë identifikuar ende.
35-vjeçari, i cili ishte edhe drejtuesi i mjetit humbi kontrollin duke goditur barrierat metalike anësore, me ç’rast humbi jetën ai dhe bashkëshortja e tij, ndërsa vajza e tyre i shpëtoi aksidentit duke pësuar vetëm disa lëndime.
Ndërkohë po punohet për zbardhjen e plotë të rrethanave të aksidentit.
