Ç’U KALL MALI..!

05.04.2019 12:33:27

Satirike

Ç’U KALL MALI..!

 

Nga Lugina e deri n’ kufi,

U dogj pylli shkrumb e hi !

 

Thotë njeriu me shqetësim,

Ky s’na qenka korrigjim ?!

 

As nga minat me rrezik,

As nga zjarret me taktikë!

 

Çfarë bashkimi o shqiptarë,

Me t’shku’ pylli me hektarë !

 

Ta kthesh malin në lëndinë,

Mos t’bashkohesh me Luginë !

 

Pse atëherë të digjet mali ?

T’shkoj për lesh dhe ideali !

 

Nga urtia një gjë dihet:

-Shpija digjet, plaka krihet!

 

Nga: Sevdail Hyseni