Ministri i Diasporës dhe Investimeve Strategjike, Dardan Gashi, ka pezulluar nga detyra sekretarin e kësaj ministrie Osman Shahinin.
Burime të lajmi.net brenda Ministrisë së Diasporës dhe Investimeve Strategjike kanë treguar se Gashi e ka liruar nga detyra sekretarin Shahini, dhe në ditët e ardhshme pritet zyrtarizimi.
Lajmi.net ka provuar të flas me Shahinin për ta konfirmuar pezullimin e tij, por ka qenë e pamundur kontakti me të. As ministri Gashi nuk është përgjigjur në telefon. Nuk dihet arsyeja e pezullimit të Shahinit.