Menaxheri i ri i Sunderlandit, David Moyes po kërkon shërbimet e dy futbollistëve të Manchester United, kosovarit Adnan Januzaj dhe belgut Marouane Fellaini. Ishte pikërisht Moyes i cili i dha rastin Januzajt të debutonte me Manchester United në vitin 2013.
Trajneri i “Maceve të zeza” po përgatitet për sezonin e ri ne Premier League dhe në një intervistë ka folur për dy lojtarët e “Djajve te kuq”.
“Nëse njëri nga këta të dy do të na bashkohej do të isha i lumtur t’i kisha në ekip pasi janë lojtarë të mrekullueshëm. Ne jemi të interesuar” tha Moyes për mediet angleze.
Januzaj nuk është në planet e Mourinhos këtë sezon dhe shpejt pritet të largohet nga ekipi i portugezit.