Deputetja e VV-së paditë Teuta Haxhiun për shpifje

22.01.2019 17:01:21

Përplasja që kishte ndodhur ditë më parë në mbledhjen e Komisionit për Arsim ndërmjet deputeteve të VV-së dhe AAK-së, ka përfunduar me një padi.

Arbërie Nagavci e Vetëvendosje, ka paditur sot në Gjykatën Themelore, Teuta Haxhiun e AAK-së, për akuza në lidhje me disa keqpërdorime.

Lajmin e ka bërë të ditur Lëvizja Vetëvendosje nëpërmjet një postimi në rrjetin social facebook.

“Deputetja Arbërie Nagavci ka bërë padi për shpifje kundër deputetes së AAK-së Teuta Haxhiu. Padinë e ka dorëzuar personalisht deputetja Nagavci në Gjykatën Themelore në Prishtinë. Shpifjet e Haxhiut kinse në lidhje me keqpërdorimet e Nagavcit vijnë në kohën kur është shtuar kritika ndaj keqqeverisjes së Haradianajt. Ajo vazhdimisht i përdor këto shpifje për ta hequr vëmendjen nga kritikat për Haradinajn”, thuhet në postimin e VV-së.

Kjo parti akuzon Hahxiun se ka gënjyer, kur ka akuzuar Nagavcin për mbajtjen e disa kurseve për profesorë.

Kulmi i tyre ishte në mbledhjen e jashtëzakonshme të Komisionit për Arsim më 14 janar 2019, të thirrur si reagim ndaj situatës me grevën e përgjithshme në sistemin arsimor. Pikërisht këtë ditë, Haxhiu nuk u mor me nxënësit si anëtarë e Komisionit. Nuk u mor as me prindërit si deputete por vendosi ta bëjë rivalen politike duke gënjyer”, përfundon reagimi i Vetëvendosjes.

Në mbledhjen e Komisionit për Arsim, atë ditë u diskutua për grevën e SBASHK-ut.