Deputetja e Partisë Demokratike, Rudina Hajdari kritikon hapur reagimin e kolegut të saj, Flamur Noka i cili tentoi ta nxirrte me forcë nga Komisioni i Medias, z.Veliaj. Kjo do të thotë se mendimet e lira marrin pëlqime edhe nga kundërshtarët politik.
Statusi në Twitter i deputetes Rudina Hajdari, se përplasja e sotme në Komisonin e Medias për Teatrin Kombëtar, mes PD dhe Erion Veliajt u kthye në ndeshje boksi politik, dhe kundër kauzës për mbrojtjen e Teatrit, është pëlqyer edhe nga vetë kreu i Bashkisë së Tiranës, Erion Veliaj.
Mbledhja e sotme e Komisionit të Medias u shoqërua me tension, pasi deputetët e opozitës u ngritën kundër pranisë së Erion Veliajt atje. Në këtë mbledhje ishte parashikuar të zhvillohej një seancë dëgjimore për Teatrin Kombëtar, por situata degradoi nga përplasje verbale deri në përplasje fizike.
“Shfaqja e sotme në Komisonin e Medias nuk i shërbeu aspak kauzës së teatrit por u kthye në një boks politik & nuk dha asnjë rezultat. Përkundrazi, mos trajtimi i temës së Teatrit i shërbeu @erionveliaj dhe interesit tij të ngushtë por jo opozitës, artistëve & qytetarëve”.
— Rudina Hajdari (@rudina_hajdari) June 19, 2018
