Në Komisionin Qendror Zgjedhor (KQZ), deri në ora 14:00 , kanë aplikuar për certifikim 13 subjekte politike, ndër to 9 parti, 1 koalicion dhe 3 iniciativa qytetare me gjithsej 276 kandidatë për deputetë.
Zëdhënësi i KQZ-së, Valmir Elezi ka deklaruar për Telegrafin se janë duke pritur edhe aplikimin e subjekteve të tjera politike për pjesëmarrje në zgjedhjet e 14 shkurtit
“Jemi duke pritur aplikimin e subjekteve politike për pjesëmarrje në zgjedhjet e 14 shkurtit. Deri në këtë kohë kemi pranuar aplikimin e 13 subjekteve politike, pra nga 9 parti politike, 1 koalicion dhe 3 iniciativa qytetare, me gjithsej 276 kandidatë”, ka thënë Elezi.
Afati për aplikimin e subjekteve politike është deri në orën 18:00 të ditës së sotme.
