Mbledhja e Kryesisë së Kuvendit të Kosovës e cila ka pasur të mbahet sot ka dështuar pasi që mungonin disa anëtarët e saj.
Në mbledhje munguan anëtarët e Kryesisë Xhavit Haliti, Aida Dërguti dhe dy anëtarë nga minoritetet.
Në mbledhje ishin vetëm kryetari Kadri Veseli dhe anëtari nga LDK-ja Sabri Hamiti.
Mbledhja e Kryesisë u shty për një ditë tjetër të pacaktuar.
Ndryshe, në rendin e ditës së Kryesisë se Kuvendit të Kosovës ndër të tjera, ishtë paraparë të vendoset për Intepelancën ndaj kryeministrit të Kosovës Isa Mustafa, dhe ministrit të zhvillimit ekonomik, Blerand Stavileci. Interpelanca e Kryeministrit të Kosovës Isa Mustafa, është thirrur me kërkesë të deputetes së VV-së Donika Kadaj-Bujupi, e mbështetur edhe nga 15 deputetë nënshkrues, për çështjen mbi shfrytëzimit e thëngjillit dhe minierën e Sibovcit.
Ndërsa interpelanca e ministrit Blerand Stavileci, është thirrur me kërkesë të deputetit poshtu të VV-së Visar Ymeri, në lidhje me Kontratën e privatizimit të Kompanisë së Distribuimit të Energjisë Elektrike.