Presidenti amerikan Donald Trump është takuar me Papa Frannceskun. Shefi i Shtëpisë së Bardhë takoi Atin e Shenjtë në ditën e pestë të vizitës së tij të parë jashtë vendit si president.
Kjo vizitë e tij në Vatikan, vjen pas takimeve të zhvilluara në djepin e islamit dhe judaizmit.
E ndërsa bisedimet e tyre do të mbeten sekrete, presidenti Trump pati një mesazh të shkurtër për Atin e Shenjtë kur u largua: “Nuk do ta harroj atë që më thatë”.
Më tej Trump ka shtuar: “Faleminderit shumë! Ishte një nder i madh”. Ata biseduan pa praninë e mediave.
Donald Trump dhe Papa Françesku kanë pasur një sërë përplasjesh për sa i përket emigracionit dhe ndryshimeve klimatike.
Ndërkohë, bashkëshortja e Trump, Melania, është shfaqur me një “look” të veçantë. Nëse për takimin me sovranin saudit, nuk e kishte mbuluar fytyrën, për vizitën në Vatikan ish-modelja ka respektuar protokollin, duke u prezantuar me të zeza dhe vello mbi kokë.
