Ditën e sotme në Top Talk me Denis Dyrnjanë ka qenë e ftuar deputetja e Partisë Socialiste Mimi Kodheli. E pyetur nga gazetari Dyrnjaja se përse nuk jep dorëheqje Kryeministri Rama, ajo u shpreh:
Atëherë më lejoni të shpjegoj të paktën dy ose tre momente për të ju dhënë përgjigje sa më të plotë pyetjes suaj të drejtë. E para: Maqedonia ka pasur një kusht mbi të gjitha kushtet, çështjen e emrit. Çështja e emrit ka qenë edhe viza, stafeta, flamuri i kryeministrit Zaev, pra ndryshimi i emrit sillte automatikisht hapjen e negociatave për Maqedoninë e Veriut. Ndryshimi i emrit u realizua, hapja nuk u realizua.
Këto ishin një binom i pandarë, nuk ishte ky, nuk ekzistonte ky binom në rastin e Shqipërisë. Ndaj dhe në gjykimin e Kryeministrit Zaev, kjo ka qenë më shumë së sa e mirëpritur në vendin e tij lidhur me një veprim i cili rridhte pikërisht nga ky fakt.
Por e pyetur mbi faktin se dorëheqja nuk nënkupton domosdoshmërisht dhënien e pushtetit në tavolinë, nëqoftë se ju besoni që jeni mazhorancë, mund të rifitoni besimin e qytetarëve, Kodheli tha “dorëheqja ka të bëjë me moralin, ne po flasim për sistemin”.