Federata Ndërkombëtare e Xhudos (IJF) ka konfirmuar se kampionia olimpike, Majlinda Kelmendi, ka fituar çmimin për xhudistes më të mirë të vitit “IJF Judoka of the Year Award”, që jepet pas votave të fansave në Facebook.
“Dy herë kampionia e botës, dhe bartësja e flamurit, Majlinda Kelmendi, që për herë të parë i siguroi vendit të saj medalje të artë olimpike në kategorinë -52kg, mori 5299. Kampionia olimpike la prapa brazilianen Rafaela Silva, që si e dyta mori 2565 vota, kurse e treta ishte amerikania Kayla Harrison”, thuhet në konfirmimin e IJF-së.
Kurse në kategorinë e meshkujve çmimin e më të mirit të vitit e mori japonezi Ono Shohei, që po ashtu ka fituar medaljen e artë olimpike në Rio. Ai mori 2166 vota.
