Ekskluzive: Fëmijët e martuar në Malishevë do ndahen deri ‘të rriten’

20.09.2016 15:48:37

Fitimi 14 vjeçar nga Malisheva dhe Zelfija 13 vjeçare nga Suhareka shpejt do të ndahen. Martesa e tyre që u bë rreth një muaj më parë tashmë do të marr fund.

Mësohet se para pak çastesh punëtorët social dhe policë të hetuesisë kanë shkuar për të marr deklarata e prindërve të fëmijë që u martuan.

Këtë e konfirmon edhe Blerim Begaj, drejtor i Qendrës për Punë Sociale në Komunën e Malishevë i cili thotë për lajmi.net se janë njoftuar me rastin dhe kanë filluar të merren me të.

Madje edhe Qendra Sociale në Suharekë po merret me ta, meqë vajza është nga ajo Komunë.

“Ne si Qendër do të shohim se si ka rrjedh kjo martesë dhe se si janë marrë vesh ata por zakonisht fajet i kanë dy prindërit që kanë lejuar një martesë të tillë. Sipas ligjeve në fuqi çiftin duhet me nda. Vajza duhet me shku te familja e saj, derisa të arrihet mosha madhore. Ne duhet të punojmë për këtë rast”, thotë ai për lajmi.net

Martesa e këtij qifti të mitur ka ndodhur para një muaji ndërsa sot janë publikuar pamjet. E në anën tjetër psikologët e vlerësojnë si tragjedi e avokatët thonë se prindërit rrezikojnë deri 20 vite burg.