Dy shpërthime të njëpasnjëshme kanë tronditur qytetin e Shën Petersburgut, duke shkaktuar së paku 10 viktima dhe duke lënë të plagosur mbi 50 persona.
Mediat ruse kanë marrë edhe deklaratat e para nga dëshmitarët të cilët kanë mbetur të tmerruar nga ajo që kanë parë.
“I pashë njerëzit e përgjakur, ajo ishte e tmerrshme”, ka thënë një dëshmitar për mediat ruse.
Dëshmitari tjetër ka deklaruar se menjëherë pas shpërthimeve i gjithë stacioni është mbushur me tymë.
Presidenti i Rusisë, Vladimir Putin ka thënë se janë duke i hetuar të gjitha shkaqet e këtyre shpërthimeve, duke përfshirë edhe terrorizmin.