Ambasadori i Rusisë në Serbi, Aleksandar Çepurin, ka qenë për vizitë në veriun e Kosovës. Televizioni Most ishte i vetmi që ishte informuar për këtë vizitë treditore, në të cilën diplomati nga Moska nuk e la pa vënë lule pranë përmendores së konsullit rus të vrarë një shekull më parë pikërisht në Mitrovicë.
Për më tepër, Çepurin fundin e javës së kaluar pati takime me krerët legalë e ilegalë të katër komunave veriore, me të cilët – siç mëson Klan Kosova – diskutoi mënyrat e bashkëpunimit mes Rusisë dhe Asociacionit të komunave me shumicë serbe kur ai të formohet.
Ndër të tjera, ai vizitoi dhe lagjen ilegale “Lugina e Diellit” e cilado te financohet nga Federata Ruse.
Gjate kësaj vizite të Çepurininit, tek institucionet kosovare ka mbretëruar heshtja.
Ditën e hënë, Ministria e Punëve të Jashtme tregoi se ardhja e tij ishte keqpërdorim, përderisa për të hyrë në Kosovë rusi e përdori autoritetin e UNMIK-ut e nuk kërkoi leje. /Klan Kosova/
