Ministri i Ministrisë së Punëve të Brendshme, Bejtush Gashi i ka dërguar një telegram ngushëllimi familjes Haradinaj, me rastin e vdekjes së Hilmi Haradinajt.
Gashi në këtë telegram ka shprehur dhimjen e tij për humbjen e Haradinajt duke ngritur kështu lartë figurën e tij si njëri ndër kontribuuesin historik për Kosovën dhe për popullin e saj.
I nderuari z. Kryeministër Ramush Haradinaj,
Me rastin e vdekjes së babait tuaj z. Hilmi Haradinaj, në emrin tim dhe të Ministrisë së Punëve të Brendshme të Republikës së Kosovës, pranoni ngushëllimet më të sinqerta.
Qoftë i lehtë dheu i Kosovës për z. Hilmi Haradinaj, i cili gjatë jetës së tij ka dhënë një kontribut historik për Republikën e Kosovës dhe popullin e saj.
