Janë gjashtë persona që kanë mbetur të plagosur pas një sulmi me thikë të ndodhur në një tren në Zvicër.
Siç bën të ditur mediat lokale, autori i sulmit mësohet se është një 27-vjeçar zviceran, i cili pas plagosjeve ka hedhur benzinë në tren dhe i ka vënë flakën.
Ngjarja ka ndodhur në St. Gallen.
“Të paktën një fëmijë është në mes të të plagosurve”, ka thënë zëdhënësi i policisë së St. Gallenit, Bruno Metzeger.
Policia thotë se e ka dërguar trenin në një vend të sigurtënë afërsi të stacionit të trenit Salez.
Daily Mail shkruan se ministri i Brendshëm i Zvicrës ka nisur një takim urgjent me strukturat e sigurisë.
