Makina e një biznesmeni në Gjirokastër është shkrumbuar gjate natës. Mësohet se ngjarja ndodhi në lagjen “Dunavat”, ku makina e sapo blerë ishte parkuar në vendin e zakonshëm.
Sipas pronarit të makinës, 30 vjeçarit Genti Sinoimeri, zjarri ka qenë i qëllimshëm dhe për këtë arsye ai ka dhënë në polici dhe emrat e personave të dyshuar.
Edhe policia në Gjirokastër po heton për zjarrvënie të qëllimshme. Policia njofton se disa persona u shoqëruan në polici për këtë ngjarje për të arritur kështu në zbardhjen e saj.
