Dy persona kanë mbetur të plagosur në një aksident të shënuar pasditen e sotme në Gjirokastër. Burime policore bëjnë me dije se se dy automjete janë përplasur mes tyre në vendin e quajtur kthesa e Picarit.
Si pasojë e përplasjes njëri prej automjeteve ka dalë nga rruga dhe ka përfunduar në një kanal.
Dy të plagosurit identiteti i të cilëve nuk bëhet me dije janë dërguar në spitalin rajonal për të marrë ndihmën e nevojshme mjekësore. Policia ka nisur hetimet për zbardhjen e rrethanave të aksidentit.