Në Sojevë të Ferizajt çdo gjë është gati për fillimin e ceremonisë për emërimin e rrugës me emrin e Beau Biden, djalit të zëvendëspresidentit amerikan Joe Biden.
Ceremonia që pritet të fillojë në orën 14:00 mbledh figura të jetës politike dhe ushtarake.
Në këtë ceremoni do të marrë pjesë edhe Joe Biden që do të mbajë një fjalim si dhe bashkëshortja e tij Jill Biden dhe fëmijët e të ndjerit Beau që kanë ardhur me gjyshërit në Kosovë.
Në këtë ceremoni do të flasin edhe presidenti Hashim Thaçi, kryeministri Isa Mustafa dhe kryetari i komunës së Gjilanit Lutfi Haziri.
