Mediat spanjolle kanë publikuar imazhet e para të terroristit maroken Younes Abouyaaqoub në arrati pas sulmit brutal në Rambla, Barcelonë.
El Pais online ka publikuar tre foto të xhihadistit teksa largohet nga vendi i atentatit në këmbë, me syze dielli, pranë pikës ku furgoni u përplas me turmën e këmbësorëve duke lënë 14 të vdekur dhe 134 të plagosur.
Ndërkohë, kërkimet për terroristin Younes Abouyaaquoub janë shtrirë në të gjithë europën. Ministri i brendshëm spanjoll ka bërë me dije se marokeni është shpallur në kërkim ndërkombëtar, për ti paraprirë faktit se ai mund të jetë larguar nga territori i Spanjës.